albistea
Audientzia oharra
'Vaya Semanita' arrakastatsua, 391.000 jarraitzailerekin
A.E.
EITB
Andoni Agirregomezkortak gidatutako tarteak %17,9ko audientzia eskuratu zuen.
-
Vaya Semanita
Atzo, astelehena, emandako 'Vaya Semanita' saioa arrakastatsua izan zen oso. %17,9ko audientzia zatia eskuratu zuen eta, bataz beste, 195.000 ikus-entzule Euskadin eta eragin esparruan. Andoni Agirregomezkorta gidari izan zuen saioak 391.000 ikus-entzuleko audientzia metatua izan zuen. 2009tik hona eman den' Vaya Semanita' ikusiena izan da.
Andoni Agirregomezkortarekin batera, Diego Perez, Humberto Gutierrez, Iker Galartza, Maribel Salas eta Miriam Cabeza aritu dira umorezko saioaren atal berezi honetan. Besteak beste, gobernu-aldaketari eta lan eta ekonomia arloko euskal egiturari buruzko satira egin zuten, lan elkarrizketak egiteko modu berri bat proposatuz adibidez. Gainera, eztabaida politiko baten ondorioz gudu-zelai bihurtutako ezkontza bat antzeztu zuten eta zenbait pertsonaia ezagun berreskuratu zituzten: Katxi eta Nekane Amaya ijitoa, esate baterako.
'Vaya Semanita' saio osoa EITB Nahieranen dago ikusgai, berriz ere ikusi nahi duenarentzako.
