6 Argazkitan
Gaur, 21:50ean
Julian Retegi protagonista, aste honetako '6 Argazkitan' saioan
A.A.
EiTB
Eratsungo pilotari handiaren bizitzan murgilduko da Pedro Mari Goikoetxea. Gaur, 21:50ean, ETB1en.
Bideoak (2)
Informazio gehiago (1)
Julian Retegiren bizitzan murgilduko da gaur ETB1eko '6 Argazkitan' saioa. Beretzat esanguratsuak diren sei argazki abiapuntu hartuta, pasarte ezberdinei buruz mintzatuko da Eratsungo pilotari handia Pedro Mari Goikoetxearekin.
Mutil koxkorra zeneko garaiak Micaela amarekin ekarriko ditu gogora Julianek. Herriko plazan pilotan nola jokatzen zuten azalduko dute hainbat lagunek eta profesionaletan eman zituen lehen urratsak gogoratuko ditu Juan Inazio Retegik (Retegi I), Julianen osabak.
Esku pilotak historian eman duen pilotari onena dugu Retegi; buruz buruko 11 txapela eskuratu zituen. Kantxan arerio, baina handik kanpora lagun izan dituen Ladis Galarza, Joxan Tolosa eta Panpi Ladutx bilduko ditu '6 Argazkitan' saioak Donostiako Atano III.a pilotalekuan, Juliani buruz hitz egiteko. Eta aitaren bideari jarraitu dion Julen semeari buruz ere hitz egingo du aste honetako protagonistak.
'6 Argazkitan' saioa 21:50ean emango da igande honetan, ETB1en.
