6 Argazkitan
Gaur, 21:30ean
Xabier Amurizaren bizitzaren errepasoa, '6 Argazkitan' saioan
A.A.
EiTB
Zornotzako bertsolariarekin soslaia osatuko du Pedro Mari Goikoetxeak gidatzen duen saioak.
Galeriak (1)
Informazio gehiago (1)
Xabier Amuriza hartuko du protagonista '6 Argazkitan' saioak aste honetan. Amorebieta-Etxanon jaio eta Berrizen bizi den bertsolariak bere bizitzako pasarte esanguratsuenen errepasoa egingo du Pedro Mari Goikoetxeak lagunduta eta esanahi berezia duten argazkietatik abiatuta.
Haurtzaroko kontuak ekarriko ditu gogora Imanol anaiarekin batera, eta seminarioan egondako garaiak, Abel Muniategirekin. Gerora, bertsotan ere Amurizarekin aritu zen Abel, baita Jon Enbeita eta Gregorio Larrañaga Mañukorta ere. Kontu kontari eta bertsotan ikusiko ditugu '6 Argazkitan' saioan.
Apaiz eman zituen urteak, kartzelan egondakoak, 1980 eta 1982ko bertsolari txapelketa nagusiak irabazi zituenekoak, Arantza emaztea nola ezagutu zuen, Miren alabaren jaiotza eta haren bertso zaletasuna, Egin egunkarian kazetari aritu zenekoa...
Zamoran kartzelan berekin egondako lagunak, Jose Felix Azurmendi kazetaria eta Miren alaba lagun izango ditu Pedro Mari Goikoetxeak Xabier Amurizaren soslaia egiteko.
'6 Argazkitan' saioa gaur, 21:30ean, izango da ikusgai, eta, ondoren, Bertsolari filma.
