Barre Librea
22:30ean
Mikel Elizegi, Maitena Salinas eta Xabier Euzkitze, gaur, "Barre Librea"n
EiTB
Bukaera borobila emango diote kurtso honetako "Barre Librea"ri, eta udako abestia eskainiko dute Bixki eta Dixki bikiek.
Informazio gehiago (2)
Gaurko "Barre Librea" saioaren bakarrizketetan, etxekoez gain, Mikel Elizegi eta Maitena Salinas izango dituzte gonbidatu. Gainera, ostiralean, Xabier Euzkitze ere izango dute platoan, pilotaren erreleboa hartzeko prest.
Horrela, bukaera borobila emango diote kurtso honetako "Barre Librea"ri. Hasteko, udako abestia eskainiko dute Bixki eta Dixki bikiek, eta, gerora, Virginia eta Jose Manuel gogotik ahaleginduko dira manifestazio bat prestatzen, Gora Ikasle Kristozale Moralistak! lelopean. El Zigor eta La Jaioren ekarpena ere ez da faltako.
Kurtso honetako azken "Barre Librea" gaur izango da ikusgai, 22:30ean, ETB1en eta eitb.eus-en.
