Alex Sardui abeslaria, gaur arratsaldean, "Biba Zuek!" saioan

Gaurko "Biba Zuek!" saioan, Alex Sardui abeslari eta musikari gernikarra izango dute gonbidatu. Maddalen Arzallusek eta Xabier Sukiak bete-beteko elkarrizketa egingo diote Gatibuko abeslariari. Iaz 20 urte bete zituen taldeak eta martxorako aurreikusita zuten kontzertu berezia 2021eko azaroaren 13ra atzeratu behar izan zuten pandemia zela eta. Kontzertu berezia izango da, 20+1 urte ez direlako egunero betetzen. Horrez gain, esku artean dituen proiektuei buruz arituko zaigu.

Lehen orduan, heriotzari buruz hitz egingo dute, Santu Guztien egunaren biharamuna da eta. Platoan izango ditugun testigantzak hurbileko familiakoen heriotzari buruz arituko dira eta Maitane Ormazabalekin galdera desatseginak egingo ditugu. Izan ere, beti izaten dira egin nahi baina ausartzen ez garen galderak.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.