Biba Zuek
18:00etan
Alex Txikon eta 'Bihurri' kirolariak, gaur arratsaldean "Biba Zuek!" saioan
EITB Media
Lehen orduan, Donostiako Peñaflorida institutuan martxan jarri duten erronkaz arituko dira: astebetez mugikorrik gabe bizitzea.
-
Xabier Sukia eta Maddalen Arzallus. Argazkia: EITB Media
Gaur arratsaldean, Euskal Herriko bi kirolari handi izango dituzte "Biba Zuek!" saioan gonbidatu; alde batetik, Alex Txikon alpinista eta aizkolaria, eta bestetik, Ernesto Ezpeleta Bihurri aizkolaria. Izan ere, bihar, osteguna, aizkora modalitate ezberdinetako erakustaldia dute Oiartzunen, eta Izeta eskolako harri jasotzaileak ere bertan izango dira.
Lehen orduan, Donostiako Peñaflorida institutuan martxan jarri duten erronka bat izango dute hizpide: astebetez mugikorrik gabe bizitzea. Horretarako, egitasmoan parte hartu duten irakasle zein ikasleak izango dituzte gonbidatu.
"Biba Zuek!" astelehenetik ostiralera izaten da ikusgai 18:00etatik aurrera ETB1en eta eitb.eus-en.