Herri Kirolak

Dena prest dago Urrezko Aizkolarien eta harri-jasotzaileen finaletarako. Finalak Azpeitiko Izarraitz frontoian aurkeztu dira. Kirolari guztiak prest daude ekainaren 4rako.

Lucia Orbe harri-jasotzailea izan da gaurko gonbidatua. Maiatzaren 20an egindako herri-kirol erakustaldian marka hautsi zuen Orbek: emakumezkoen artean, 100kg-ko harria sei aldiz altxatu zuen bost minutuko tartean.

Maite Perurenak harri-jasotzaileentzako txalekoak diseinatu, sortu eta josi egiten ditu. "Biba Zuek!" saioan kontatu digunez, "auzoko Tere bizilagunaren Sigma markako josteko makina zahar batekin" hasi zen josten. Ikus ezazu elkarrizketaren zati bat. (Osorik, Nahieran)

Urdax Magunazelaia abadiñarrak positibo eman zuen kalamuarekin azaroaren 19an dopin kontrol batean. Gerora, zenbait lehiaketetan parte hartu du, zigorraldia indarrean egonik, nahiz eta legeak halakorik ez baimendu. Ondorioz, 3 hileko bi zigor ezarri dizkiote aipatu bi arau-hausteengatik.

Emarri emakumez osaturiko giza-proba taldeak 10 urte betetzen ditu, eta igandean, maiatzak 14, erakustaldia egingo dute Astigarragako plazan 17 kiderekin. Entrenamenduan izan gara haiekin, eta lan egiteko duten moduaz eta taldearen bilakaeraz aritu dira.

Iker Vicente aizkolariak hilabeteko egonaldia egin du Melbournen. 12 eguneko txapelketa jokatu du Sidneyen eta mundu mailako txapelketan bigarren gelditu da. Esperientzia ona izan da eta horren berri eman digu. (Elkarrizketa osoa Nahieran)

Gernika Crossfiten izan da Izaskun Moyano, Sustabiz Fundazioak antolatu duen ekimenetako batean. Urdaibaiko herrietan pilota, arrauna eta herri kirolak sustatzea du helburu elkarteak. Trontzan eta harri-jasotzen ikasten ari diren kirolari gazteekin izan da "Biba Zuek!".

Bigarren Mailako Pentatloian txapela irabazita, lehen mailarako txartela lortu du Julen Kañamaresek. Dioenez, asko prestatu da txapelketarako eta momentu txarrak bizi izan ditu, baina plazan sentitu zuen babesa bihotzera iritsi zitzaion. Hunkitu egin da jendearen babesaz hitz egiterakoan.

Eneko Otaño aizkolari beizamarrarekin aritu da gaur Joseba sukaldean. Bere ibilbide profesionalaren inguruan aritu dira hizketan. Gainera, duda bat edo beste argitu eta istorioak ere kontatu dizkio Enekok Josebari.

Apirilaren 29an Euskal Pentatloiko bigarren mailako finala jokatuko da Tolosako zezen plazan. Hamabi kirolari ibiliko dira nor baino nor gehiago.

Busturian (Bizkaia) aurkeztu da Sustabiz Fundazioa. Herri-kirolak, pilota eta arrauna sustatzea du helburu.

Iker Vicente Nafarroako aizkolaria txapeldunorde izan da Australiako Munduko Txapelketako abiadura modalitatean.

Emakumezkoetan Ergobia izan zen "Harri Herri" saioko talde irabazlea. Gizonezkoetan berriz, Etxauri. Talde horietako ordezkari bana izan dira platoan finaleko eta txapelketako unerik onenen inguruan solasean: Lierni Osa eta Jokin Eizmendi. (Elkarrizketa osoa Nahieran)

Karmele Gisasolak, Lierni Osak eta Garazi Arrutik jantzi zuten txapela emakumezkoen lehian. Gizonezkoetan, berriz, Jokin Eizmendi, Aimar Galarraga, Imanol Royo eta Gorka Etxeberria izan ziren txapeldunak.

Harri-jasotzaile onenak bildu dituen txapelketan ikusitako unerik onenak bildu ditugu bideo honetan. Ergobia taldeak irabazi du emakumeetan, eta Etxaurik, aldiz, gizonetan.

Nesketan, Garazi Arruti, Lierni Osa eta Karmele Gisasola Zelai II.aren taldeak irabazi du "Harri Herri" saioa. Mutiletan hauek dira harri-jasotzaile irabazleak: Joseba Ostolazaren taldeko Jokin Eizmendi, Aimar Galarraga, Juan Royo eta Gorka Etxeberria. Paulo Azpiazuren ordez aritu da Etxeberria.

Gaur, apirilak 10, "Harri Herri" lehiaketako final handia jokatuko da. Bertan, Ergobia, Etxauri, Mollarri eta Albizuri lehiatuko dira. Saioa zuzenean ikusi ahal izango da ETB1en eta eitb.eus-en eta, ondoren, "Nahieran".

Euskal Duatloian garaipena lortu zuen Eneko Saralegik. Lehia nolako izan zen azaltzeaz gain, zer-nolako sentsazioak izan zituen ere kontatu dio Joseba Arguiñanori "JA Sukalerrian" saioan.

Izeta II.aren gidaritzapean, Lur Errekondok harri baldarrari 8 jasoaldi eman zizkion, Zumetak baino bat gehiago. Gizonezkoetan, berriz, Luis Mari Telleria buru zela, Irigoienek 8 bider altxa zuen harri baldarra bizkarrera, Iñigo Eizagirrek baino bi gehiago.

Zarautz eta Aia artean bada harri eskola bat: Izetatarrena. Gazte asko joan dira bertara eta pozik daude lortzen ari diren emaitzekin baita bertan sortu den giroarekin ere.

Zelairen harri-eskolan izan gara eskolak hobe ezagutze aldera. Harri jasotzaile bizkaitarrak dira gehienak, baina Madrildik ere iritsi da jendea.

ETB1eko "Harri Herri" saioko bigarren finalerdiei buruz aritu gara: Lierni Osa, Garazi Arruti, Imanol Royo eta Aimar Galarraga. Horretarako, saioko aurkezleetako bat den Ane Muruamendiaraz izan dugu platoan.

Lehiak ez du etenik "Harri Herri" saioan. Taldeak nor baino nor arituko dira gaur gauean, bigarren jardunaldian. Saioa ikusgai izango da, 22:30etik aurrera, ETB1en eta eitb.eus-en.

Lehia polita ikusi zen "Harri Herri" saio berriaren lehen finalerdian. Ergobia eta Ulia zein Laukariz eta Etxauriren arteko desafioek jasoaldi dotoreak utzi zituzten. Baina harri baldarrek erabaki zuten Ergobiaren eta Etxauriren finalerako sailkapena.

Harri mota desberdinekin lehiatuko dira kirolariak eta horien artean izango dira hauek: Koadroa, Zilindroa, Bola eta Kubikoa.

"Harri Herri" saiorako aukeratu dituzte bereziki harri baldarrak. Aukeraketa lan horretan aritu ziren Luis Mari Telleria, Izeta II.a, Joseba Ostolaza eta Zelai II.a Zumaiako Inpernupe hondartzan.

"Harri Herri" saio berriko lau kapitainekin izan gara: Luis Mari Telleria, Izeta II.a, Joseba Ostolaza eta Zelai II.a. Txapelketa honetan taldeka lehiatuko dira, eta talde bakoitzeko kapitainarekin hitz egin dugu lehiaketaren inguruan. (Elkarrizketa osoa Nahieran)

Lehen enborretik hasi da nagusitzen beizamarra. Bostgarren egurrerako minutu eta erdiko abantaila atera dio Mugertzari. Beizamakoak 48 minutu eta 26 segundoko denbora egin du, Mugertzak, berriz, minutu eta 18 segundo gehiago.

Ugaitz Mugertzak aizkora erronka izango du Eneko Otañoren aurka, martxoaren 26ean, Azpeitiko zezen-plazan. Mugertzak 20 kanaerdiko moztu beharko ditu; hau da, Otañok baino bat gehiago. EITB Mediarekin hitz egin du Ugaitz Mugertzak igandeko erronkari buruz.

Larunbat honetan bukatu da Ipar Irlandan jokatu den sokatirako txapelketa. Guztira, 23 domina ekarriko dituzte Euskal Herrira tiralariek: 18 taldeka lortuta eta beste bost Euskal Selekzioaren izenpean.

Ostiraletik, kluben arteko txapelketak selekzioena ekarri du. Euskal Selekzioak bi domina irabazi zituen atzo, eta gaur goizean beste bat.

Ipar Irlandan jokatzen ari den goma gaineko sokatira txapelketan nazioen arteko lehia hasi da. Euskaldunak Basque Country izenpean ari dira eta dagoeneko lortu dituzte dominak lehen egunean.

Belfasten, Ipar Irlandan, ostegun honetan amaitu da sokatira kluben munduko txapelketa. Asteazkenean euskal taldeek lortutako sei dominei beste 12 gehitu zaizkie.