Hosea Burton-Frank Buglioni borrokaldia, gaur, 'Boxeo Izarrak' saioan

Gaur gauean, Frank Buglioni eta Hosea Burtonen arteko norgehiagoka ikusgarria izango da 'Boxeo Izarrak' saioaren ardatza. Burtonek 18 borrokaldi egin ditu orain arte, eta denak irabazi. Buglionik, berriz, 18 irabazi ditu, 2 galdu eta 1 berdindu.

Bigarren borrokaldia Paulie Malihnaggi eta Antonio Moscatiello boxeolarien artekoa izango da, Welter pisuko Europar Batasuneko Txapelketakoa. Malignaggi italiar-amerikarra bost aldiz izan da munduko txapeldun, eta berriro lortu nahi du gerriko hori eskuratzeko aukera emango dion txartela.

Bestalde, Andoni Gagok larunbatean Londresen izango duen borrokaren inguruan boxeolariak berak eta horren entrenatzaileak emandako iritzia jasoko du saioak. Gainera, horren aurka borrokatuko den Lee Selby boxeolaria ezagutuko dute.

'Boxeo Izarrak' gaur izango da ikusgai, 00:35etik aurrera, eitb.eus-en eta ETB1en.