Josu Urrutia gonbidatu, ostiralean, 'Egun On Euskadi' saioan

Futbol kontuei helduko diete ostiralean 'Egun On Euskadi' albistegietan. Josu Urrutia Athleticeko presidentegaia hartuko du Estepan Aldamiz-Etxebarriak elkarrizketaren tartean. Berea izan da talde zurigorriaren presidentetzarako hautagai bakarra. Horren jakinarazpena eginda, bozketarik gabe izendatuko dute klubeko presidente, bigarrengoz, astebete barru. Karguan egon den denboran egindako lanaz, aurrera begirako asmoez, Kopako finalaz eta beste hainbat kontuz arituko dira hizketan.

Solas-tartera gonbidatu etorriko direnak Jose Esteban Antxustegi, Niko Moreno eta Mikel Aramendi izango dira, egunak dakartzan albisteei begiratua emateko.

Olaia Urtiagak egingo du albiste kontakizuna, goizeko 9:00etatik 11:00ak bitartean, ETB1en ikusgai izango den saioan.