Egun on Euskadi
Elkarrizketa, 09:00etan
Uxue Barkos gonbidatu, gaurko 'Egun On Euskadi' saioan
EITB
Estepan Aldamiz-Etxebarriak Nafarroako egoera politikoaz eta gobernu berria eratzeko negoziazioez galdetuko dio.
Gaur goizean, Estepan Aldamiz-Etxebarriak Uxue Barkos Geroa Baiko kide eta Nafarroako presidentegaia elkarrizketatuko du ETB1eko 'Egun On Euskadi' albistegian. Maiatzaren 24ko hauteskundeek ekarritako aldaketa politikoaz eta gobernu berria osatzeko negoziazioez arituko dira.
Horrez gain, Jose Mari Pastor, Jagoba Alvarez eta Koldo Bilbao kolaboratzaileak solasaldirako mahaiaren inguruan bilduko dira, eta Olaia Urtiaga kazetariak eguneko albisteen berri emango du.
'Egun On Euskadi' gaur izango da ikusgai, 09:00etatik aurrera, ETB1en.
