Txikleak gustuko ditu. Zapore guztietakoak. Eta baita txandalak ere. Eta belarritako handiak ez, erraldoiak. Marenek asko hitz egiten du, eta pentsatzen duena esaten du, zurikeriarik gabe. Hori bai, batzuetan, gehiegitxo hitz egiten du… Pentsatu gabe. Eta horrek arazoak sortzen dizkio.

Leire Nuñez

Leire Nuñezek egingo du Marenen papera. Aktore gazteak hainbat film laburretan hartu du parte ('Judoka', 'Lucía', 'BETIZU BURU'). Antzezteaz gain, abestu eta dantzatu egiten du, eta musika alorrean ere trebea da, pianoa eta ukelelea jotzen baititu.