Azpiren lagun bakarra da Roke. Beno, tira, eta Azpi ere bere lagun bakarra da. Rokek beldurra eragiten du gela batera sartzen den bakoitzean. Handia, indartsua, hitz gutxikoa… Badirudi Roke beti dagoela borrokarako prest, batez ere, norbaitek Azpiri buruzko hitz txarren bat esaten badu.

Jon Alonso

ETB1eko "Ztanda" musika talent-ean ezagutu genuen Jon Alonso eibartar gaztea, eta bertan, bikain abesten duela erakutsi zigun. Piano ikasketak ditu, eta hainbat antzezlan eta musikaletan parte hartu du. Aktore gisa, ordea, hauxe da telebistarako egin duen fikziozko lehen lana.