June zalantza handi batekin iritsiko da aurten Basakabira: ez daki zer izango den handitan, zalantza handiak ditu zer ofizio aukeratu.

Lorea Intxausti

Donostiako gazteak egiten du Juneren papera "Go!azen" telesailean. Antzezpen munduan lan ugari egiten ari da: telebistan "Vaya Semanita Xtream" eta "Ene!flix" saioetako umorezko esketxetan ikusi dugu, antzerkian Fake trampantojo obrarekin emanaldiak egiten ari da eta Tere y Tere obran ere hartu du parte Loli Astorekarekin batera. 

Horrez gainera, bikoizketan lehen pausoak eman ditu, Mon cirque à moi pelikula euskaratzen, eta EITB Podkast atariko Sara eta Paulen abenturak lanean ere aritu da.