Goenkale
22:15ean, ETB1en
Erikak egia kontatuko du bere sexualitatearen inguruan, gaur
Gainera, Garik ezkontza-eraztuna emango dio Coralinari. Mitxelek itxi egingo du Egoitzen heriotza argitzeko ikerketa.
Informazio gehiago (1)
'Goenkale' saioaren gaurko atalean, Erikak bere sexualitatearen inguruan egia kontatuko du. Bitartean, Julenek ezkutaturik jarraituko du, eta Coralinak ez dio esango Erikari non ezkutatzen den.
Sabinoren eta Luperen arteko harremana hautsi egingo da Asierren erruz. Hala ere, Asunek begiak irekiko dizkio Sabinori. Dorletak eta Aitzak Kepari eta Barbarari egingo dieten iruzurra prestatzen jarraituko dute.
Gainera, Mitxelek bere betekizuna bukatuko du. Egoitzen heriotza argitzeko ikerketa itxi egingo du bi susmagarri aurkitu ondoren. Kandidok eta Nekanek begi onez hartuko dute kasua ixtea, Egoitzen benetako hiltzailea nor den jakin gabe.
Garik aurrerapausoa eman nahiko du eta ezkontza-eraztuna emango dio Coralinari. Hala ere, Coralinak ez du eraztuna onartuko, eta Gariri egia esango dio.
'Goenkale'ren atal berriak, astelehenetan eta astearteetan, ETB1en, 22:15etik aurrera.
