Goenkale
Aurrerapena
Mitxelen sekretua agerian, gaur gauean, 'Goenkale'n
Mitxelek Alicia arriskuan jartzen duen gauza bat ezkutatzen du, eta Kandido, Nekane eta Alicia bera horretaz ohartuko dira. Gaur, 22:15ean, ETB1en eta eitb.com-en.
Informazio gehiago (2)
Mitxelen sekretua agerian geldituko da 'Goenkale'-ren gaurko atalean. Telesailaren aurtengo denboraldia amaierara iristen ari da eta,beraz, hurrengo atalak oso interesgarri daude, hainbat trama eta arazo askatzeko bidean jarriko direlako.
Mitxelek hainbeste denboran gorde duen sekretua agerian geratuko da, eta Kandido, Nekane eta Alicia ohartuko dira horretaz. Mitxelek Alicia arriskuan jartzen duen gauza bat ezkutatzen du. Kandido Alicia jakinaren gainean jartzen saiatzen da, baina dagoeneko beranduegi da.
Garirentzat ere beranduegi izango da. Coralina maite duela argi dauka eta sentitzen duen guztia esatea erabakitzen du. Baina Coralina ez da etxean egongo, aireporturantz abiatu baita Kolonbiara joateko.
Itxasorentzat ere ez da egun makala izango. Aitor Arraldetik alde egitekotan da, eta berarekin gaua pasatzeko eskatzen dio Itxasori. Zer egin ere ez du jakingo Itxasok, alde batetik bere senarrarengan pentsatzen baitu, eta bestetik, ertzain berri hau asko gustatzen zaio.
Azkenik, Barbarari asko kostako zaio Kepak Mireiarekin egin ziona onartzea. Dena den, bien arteko harremana asko hobetu da, eta, Lupek esan dionaren arabera, Kepak oraindik asko maite du. Kepak, bestalde, Mireiarekin ondo konpondu beharra dauka, eta, hori dela eta, tregoa bat hitzartuko dute.
Gaur gauean, 22:25ean, 'Goenkale'ren atal berri bat izango da ikusgai ETB1-en eta eitb.com-en.
