Hesian taldekoak 'Goenkale'n!

'Goenkale' telesaila 21. denboraldiko atalak grabatzen hasi da dagoeneko, eta gonbidatu berezi batzuk izango dituzte aste honetan: Hesian taldekoak. Gaur, Hesian taldearen emanaldi baten grabazioa egingo dute Tolosan, Bonberenea gaztetxean, 'Goenkale'ko atal baterako. Udazkenean izango da atal hori ikusgai ETBn eta eitb.eus-en.

Grabazioa 16:30ean hasiko da, eta nahi duen edonor joan daiteke. Horrela, Sakanako taldea gertutik jarraitzeaz gainera, telesail bat grabatzeko lana nolakoa den ikusi eta 'Goenkale'n estra bezala agertzeko aukera izango dute bertaratzen direnek.