Goenkale
Aurrerapena
Endika Taniaren ohean biluzik harrapatuko dute gaurko 'Goenkale'n
EiTB
Alazne amorratuta dabil Taniarekin eta haren aurkako amarrua prestatuko du, Endika gizagaixoa nahastuta. Bitartean, Sabino eta Lupe erotuta dabiltza, zaborretara botatako maletaren bila.
Bideoak (1)
Informazio gehiago (1)
Endika, Hodeiren lagunik onena, Taniaren ohean biluzik harrapatuko dute 'Goenkale'ren gaurko atalean. Alazneren amarrua izango da, amorratuta baitabil bere ahizpa Taniarekin.
Etxegaraitarren etxeko arazo bakarra, baina, ez da hori izango. Hodeirekin bateragarria den hezur-muinik ez du inork, eta denborak aurrera egiten du. Semearen leuzemia sendatzeko tratamendu garesti bat aurkituko dute Jagobak eta Arantzak, baina diruz ez daude batere ondo.
Horrez gain, Olaia gehiago ezagutzeko aukera izango dugu. Jagobaren arreba Arraldera itzuli berri da, eta badu sekretu bat, ametsetan agertzen zaion sekretua eta bakean uzten ez diona.
Bitartean, Sabino eta Lupe ere larri dabiltza. Azken honek zaborretara bota duen maletan, AEBetako dolar pila zeuden, eta orain ezin dute aurkitu.
Paola zorte oneko dago, berak aurkitu baitu dirua, baina oraingoz isilpean dauka sekretua. Aldi berean, Kevinekin gauzak konpontzeko zorian egon daiteke.
