Goenkale
Aurrerapena
Landerrek istripua izango du, gaur gauean, 'Goenkale'n
EITB
EITB
Gainera, Esther Lukasekin oheratu zela jakingo du Kandidok. Hori guztia, eta beste hainbat kontu, gaur, 22:25ean, ETB1en.
Informazio gehiago (1)
Landerrek istripua izango du gaur gauean, 'Goenkale' telesailean (22:25ean, ETB1en). Aitarekin izandako eztabaida larriaren ondoren gertatuko da istripua, eta Julianen laguntza izango du mutilak.
Luperentzat ere, gero eta garrantzitsuagoa da Julian. Sabinok eten egingo du harekin daukan harremana, zoriontsu izaten jarraitzea nahi baitu. Lupek, ordea, Asuni botako dio guztiaren errua, eta etxetik alde egingo du. Julianen etxera joko du orduan.
Bestalde, Estherrek aitzakia ugari ipiniko du Germanen eta Inesen ezkontzara ez joateko. Aitzakia horien ondorioz, Kandidok zerbaiten susmoa hartuko du, eta Esther Lukasekin oheratu zela jakingo du azkenean. Kolpe gogor horri aurre egiteko, Amagoiaren kasua ikertzen jarrituko du, eta ohartuko da arazo ekonomikoak zeuzkala, bizimodu erosoa zuela zirudien arren.
Gainera, Igorren zortea aldatzen hasiko da. Lana lortuko du, eta Izaskunekin duen harremana ondo joango da; Jagobak, baina, oso gaizki hartuko du hori.
