Arantxa Orbegozo Rezola "Itzulera" saioan dabil parte-hartzaile gisa.

Kirolari tolosarra Euskal Herriko lehen emakumeen txirrindularitza taldeko partaidea izan zen. Bere hitzetan, lekuetara mugitzeko bizikleta erabiltzen zutela aitzakia harturik, Patxi Panaderok taldea sortzeko proprosamena egin zien.

Triatloietan ere aritu izan da Orbegozo. Espainia mailan egin zen lehenengo triatloia Irungoa izan zen eta bertan jardun ziren bikoteka Dina Bilbao eta Arantxa bera. Irabazi egin zuten, gainera.

Horrez gainera, 28 urterekin hasi eta gaur arte margolari gisa aritzen da Arantxa. Euskal Telebistako “Arimarien Margolariak” saioan epaile eta aurkezle izan zen. Gainera, “Y si yo me reto” erronkako aitzindaria ere bada tolosarra.