Orioko AISIA Hotelean asteburu bat zozkatuko dugu 'Zuek Hor'en!

Azken urteotan droneak (tripulaziorik gabeko ibilgailua) asko ari dira ugaritzen. Ikus-entzunezkoei bultzada bat emateko alde batetik, baita mezulari zerbitzuak hobetzeko intentzioarekin! Hori dela eta, Erle Robotics enpresako kideek %100 euskalduna den drone berezi bat sortu dute. Aparatu hori erakustera etorriko zaizkigu "Zuek hor eta gu hemen" saiora enpresako Iñigo Muguruza eta David Mayoral.

Egunero bezala, Agurne Anasagastik gidatuko du mahai ingurua eta, ostirala izanik, dagoeneko ezagunak ditugun Saioa Lopez, Maite Bastos eta Xabier Perurena etorriko zaizkigu  berriketako intentzioarekin.

Nola ez! Ostirala da! Eta zer egiten dugu ostiraletan? ZOZKETA! Nahi al duzu Orioko AISIA Hotelean bi pertsonentzako asteburu zoragarri bat irabazi? Parte hartu al duzu, astero, "Zuek hor" saioan egiten den lehiaketan? Oraindik garaiz zabiltza! Ba al dakizu zein den fraideek ahapetik kantatzen duten abestia? Bidali erantzuna eta zure izen abizenak WhatsApp bidez 605779540 telefono zenbakira!

Hori guztia eta askoz gehiago, gaur, 15:40etatik aurrera, ETB1en!