Gaztea

Gaztea

Audientzia

113.000 entzulek egiten duzue bat Gaztearekin, astelehenetik ostiralera, CIESen datuen arabera

Gaztea | EITB Media

Azken neurketarekin alderatuta, % 20 hazi da gure audientzia. Oro har, EiTB Taldeko euskarazko irrati guztien entzule kopuruak gora egin du.

  • Gaztearen estudioa

    Gaztearen estudioa. Argazkia: EITB Media

Albisteak (2)

Euskal Autonomia Erkidegoan eta Nafarroan 113.000 entzulek egiten dute bat (lanegunetan) Gaztearekin, CIESen azken neurketaren arabera. Aurreko neurketako datuekin alderatuta, % 20 inguru hazi da EiTB Taldeko irrati gaztearen audientzia.

Euskadi Irratiak ere goranzko joerari eutsi dio CIESen azken neurketan. Aste barruan, 123.000 entzulek egiten dute bat Euskadi Irratiarekin. Kasu honetan ere abenduko datua hobetu eta audientzia % 20 hazi da azken hilabeteetan.

EiTB Talde guztia kontuan izanda, aste barruan 1.200.000 entzule baino gehiagorengana iristen dira gure irratiak.

Telebistari dagokionez, ETB2 527.000 pertsonarengana iristen da astelehenetik ostiralera; ETB1ek 200.000 ikus-entzule inguru ditu, eta EITBko irrati eta telebista taldeak, orotara, 1.226.000 laguneko audientzia eskuratu  dute lanegunetan Araba, Bizkaia, Gipuzkoa eta Nafarroa osoan.

Mila esker hau posible egin duzuen guztioi!