Gaztea

Zeid Fest

ZETAK, ZEID Festeko kartelera

B. F. | EITB Media

Aurtengo edizioan ez jotzeko erabakia hartu zuten arren, azken hilabeteetan jasotako mezuak tarteko, iritziz aldatu dute.

  • ZETAK, 2022ko ZEID Festen

    ZETAK, 2022ko ZEID Festen

Bai, ZETAK taldeak 2023ko ZEID Festen joko du. Bandak berak sare sozialetan iragarri duenez, aurtengo edizioan ez jotzeko erabakia hartuta zuten arren, iritziz aldatu dute.

Zerk eragin du norabide aldaketa hori? Pello Reparazek berak azaldu duenez, nafar banda apirilaren 1ean BEC!en ikusteko gogoz zeuden zaleek ehunka mezu idatzi dizkie ZEID Festeko zein ZETAKeko lantaldeei.

Hainbesteko babesari erantzuteko beharra sentitu dute taldekideek, eta erabakiak "aurtengo estrategia osoa hankaz gora" jarri dien arren, kontzertua ematea erabaki dute.

Aurtengo edizioa

ZETAKen musikaz gain, bertaratzen direnek La M.O.D.A., Gozategi, Zahara Rave, Don Patricio, Nøgen, Esne Beltza,Txiltxoko, Samantha Hudson, Kukai, Eñaut Elorrieta, Skabidean, Pirritx, Porrotx eta Marimotots, Olaia Inziarte, Kerobia eta La Fúmiga taldeez gozatzeko aukera izango dute. Baita Doctor Deseo, La Furia, Elektropottotte Emakumeen Txaranga eta Albina Stardustek zuzendutako Euskal Trabestiak izeneko showaz ere.

Sarrerak

ZEID Festen bigarren edizioko tiketak salgai daude dagoeneko, hemen. Gainera, orain erosiz gero eta GAZTEAZEIDFEST kodea erabiliz gero, deskontu txiki bat izango duzue.

Gaztea, ZEID Festen irrati ofiziala

Gaztea izango da Zeid Fest 2023ko irrati ofiziala, eta eduki esklusiboak aurreratuko ditugu, bai irratian zuzenean, baita webgunean eta sare sozialetan ere.