18:21

Iruñea

Iruñea

Etxegabetzeak egiten dituzten bankuekin harremana aztertuko du Iruñeak

AGENTZIAK | ERREDAKZIOA

Udala 11 bankurekin batzartu da, etxegabetzeen aurkako konpromiso bila.

  • Joseba Asiron Iruñeko alkatea. EiTB

    Joseba Asiron Iruñeko alkatea. EiTB

  • Whatsapp
  • Whatsapp
  • telegram
  • Bidali

Iruñeko Udalak bilera egin du gaur 11 bankurekin, etxegabetzeen aurkako konpromisoak bilatzeko eta larrialdi sozial horiek konpontzeko kolaboratzeko.

Kazetarien aurrean egindako adierazpenetan, Joseba Asiron alkateak azaldu du hemendik aurrera Udalak tratu pertsonalagoa izango duela banketxeekin, eta etxegabetzeak egiten dituzten erakundeekin gehiago ez kolaboratzea erabaki lezakeela ohartarazi du.

Udal gobernuaren asmoa da "aurpegia ematea" eta "bitartekari" lanak egitea. Horren ildotik, azaroan Iruña "etxegabetzerik gabeko herri" izendatu dutela gogorarazi du Asironek.

Bileran etxebizitza sozialak ere hartu dituzte hizpide. Alkatearen esanetan, Udala "esfortzua" egiten ari da, bere esku dauden etxe guztiak mobilizatzeko. Hala ere, laguntza eskatu die bankuei, "Udalak ezin baititu etxebizitza sozialen eskari osoa bete".

Horren hitzetan, bankuak prest agertu dira "kolaboratzeko" eta "posible den neurrian larrialdi sozialak saihesteko".

Iruzkinak

  • Publizitatea

    Bisitatuena

      Kargatzen ikusiena
      Kargatzen ikusiena