Dozenaka lagun bildu dira goizean goizetik Hernaniko Elkano kalean etxegabetze bat geldiarazteko asmoz. Tentsio handiko uneak bizi izan dira. Azkenean, etxegabetzea gauzatu dute.

Azken urte hau bereziki gogorra izan da Maria Angeles Otegirentzat. Lehenik, zuen seme bakarra hil zitzaion, eta handik hiru hilabetera, epaitegitik gutuna bidali zioten bere etxea enkantean jarriko zutela abisua emanez.

Etxegabetzeen aurkako herri-plataformak azaldu duenez, alokairu sozialeko Errenteriako 15 auzokide euren etxeetatik bota nahi ditu Jaureguizarrek, bi milioi euroren truke etxe horiek merkatuan saltzeko helburuz (jatorriz, gaztelaniaz).

Pertsona bat atxilotu dute Iñaki, Ategorrieta auzoko bizilagun baten etxegabetzearen aurkako protestetan. Ertzaintzaren arabera, "desobedientzia larria eta autoritatearen aurkako atentatua" egotzita atxilotu dute.

Argitan zentroak eta Berri-Otxoak deituta hainbat pertsona batu dira eraikinaren kanpoaldean. Etxegabetu nahi duten emakumeak lau seme-alaba ditu eta indarkeria matxistaren biktima izan da.

Otsailaren 7an bozkatuko dute Kongresuan lan erreforma berria. Horrek "paradigma aldaketa historiko bat" dakarrela azaldu du Miren Gorrotxategik "Gaur Egun" saioan. Enpleguen behin-behinekotasuna "bukatzea" lortu dela esan du, oraindik "borrokatzen" jarraituko badute ere beste lorpenak egiteko.

Gas bonbona batek eztanda egin du, antza denez, etxetik bota behar zuten bizilagun batek nahita eraginda. Kalte handiak eragin ditu Ponferradako Alcon kaleko eraikin batean.

Tubacexeko zuzendaritzak langileei ohartarazi die Arabako lantegiak ixteko arriskuan daudela grebarekin jarraitzen badute. 112 greba egun bete dituzte jada eta gatazkak konpontzeko itxurarik ez du.

Barri del Poble Sec sindikatuko kideek ERCren egoitza okupatu dute, etxegabetze baten aurka protesta egiteko.

Ehun bat pertsona etxebizitzaren aurrean bildu dira emakumeari babesa emateko, eta bizilagun asko atera dira balkoira kazolekin. Azkenean, etxegabetzea geldiarazi dute.

Bi orduko lanuzteak egin dituzte eskualdean enpleguaren eta bizitza duinaren alde. 20:00etan Amurrion egingo den manifestazio batek kalera aterako ditu berriro ere herritarrak.

Bi pertsona atxilotu dituzte Gasteizko Herranen kalean etxegabetze bat saihesteko elkarretaratze batean parte hartzeagatik, atentatua egitea eta agintaritzari modu larrian aurre egitea egotzita.

ITP Aero Casting enpresaren Barakaldoko eta Sestaoko enpresa batzordeak "bitartekaritza" eskatu die Bizkaiko Foru Aldundiari eta Eusko Jaurlaritzari, 90 langileren kaleratzea saihesteko.