12:15

Herriak eta Hiriak

Berdintasuna

Gasteizek LGTBIfobiaren kontrako behatokia izango du 2019an

EITB.EUS

Besteak beste, lesbianen kontrako berariazko indarkeriarekin lotutako arreta hobetzeko programak garatu eta LGTBI pertsonentzat arriskutsuak izan daitezkeen guneak mapa batean jasoko dituzte.

  • 2018ko ekainean ortzadarraren koloreekin (LGTBI) margotu zituzten zebrabideak Gasteizen.

    Zebrabideak ortzadarraren koloreekin (LGTBIren koloreak) margotu zituzten Gasteizen. Argazkia: ETB

  • Whatsapp
  • Whatsapp
  • telegram
  • Bidali

Gasteizek LGTBIfobiaren kontrako behatokia izango du izango du 2019an, Gorka Urtaran Arabako hiriburuko alkateak gaur prentsaurrekoan iragarri duenez.

Hiriko LGBTI kolektiboen eskariz sortu dute behatokia, eta eurekin batera lan egingo du Udalak. Tresna berri horren bitartez, zehaztuko dituzte LGTBI pertsonei zuzendutako informazioa, kontzientziazioa, prebentzioa, detekzioa, bideratzea eta arreta hobetzeko jarraibideak.

Horrez gain, lesbianen kontrako berariazko indarkeriarekin lotutako arreta, akonpainamendu eta sostengu psikologiko eta juridikoa emateko programak hobetzeko neurriak proposatu eta diseinatuko dituzte.

Behatokia martxan jartzeaz batera, ikuspegi intersekzionala duen mapa bat landuko da, LGTBI pertsonentzat arriskutsuak izan daitezkeen gune eta ibilbideak identifikatzeko.

Hiriko hainbat lekutan cruising egiten duten pertsonei babesa eta segurtasuna bermatzeko neurriak hartzea ere aurreikusi da.

Udalak berdintasunerako agendaren baitan aurreikusi du behatoki horren sorrera. Agenda horretan hainbat estrategia eta jarduera zehaztu dituzte, 2018-2019 aldian berdintasunerako politiken barruan sexu- eta genero-aniztasuna txertatzeko, eta 2020-2021 urteetan lehentasunezko jarduera-ildoak identifikatzeko zenbait orientabide emateko.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena