Euskadi Irratia
Azaroak 6
Itsasoa ardatz hartuta etorriko da igandeko 'Zubiak' saioak
G.U.
EiTB
9. saioan, Alaia Martinek eta Artzen Letonak Albaola Itsas Kultur faktoria, Pedaló filma, Biarritzeko Ama Birjinaren zubia eta Othoi zato etchera XVIII. mendeko gutun sorta ezagutuko dituzte.
-
Artzen letona, Alaia Martin eta Xabier Agorte, San Juan baleontzian
Itsasoa ardatz hartuta etorriko dira Alaia Martin eta Artzen Letona igande honetako 'Zubiak' saioan. France Bleu Pays Basque Iparraldeko irrati kateak eta Euskadi Irratiak elkarlanean egiten duten saioaren bederatzigarren atala izango da entzungai azaroaren 6an, 15:00etan.
Itsasoak egingo ditu saioan aurkeztuko dituzten gaien eta protagonisten arteko zubi lanak. Elkarrizketa nagusia, esaterako, Pasaia San Pedroko Albaola Itsas Kultur faktorian ibiliko dira Xabier Agoterekin, eta Donostia 2016 ekimenaren baitan eraikitzen ari diren XVI: mendeko San Juan baleontziaren erreplika ezagutuko dute.
Bestalde, Pedaló filmaren protagonistetako bat ere elkarrizketatiko dute, Jon López. Gainera, Othoi zato etchera, 1757an itsasgizon lapurtarrei bidalitako gutun-sortaz arituko dira Xabier Lamikizekin, eta Biarritzeko Ama Birjinaren zubiaz ere, izango dute zer ikasi.
Igande arratsaldean, entzun 'Zubiak' saioa, Euskadi Irratian.
skadi Irratian.