Prentsa aretoa
22:30ean
Finalera begira jarriko da, gaur gauean, 'DantzanGo!' saioa
EiTB
Zuriñe Hidalgok gidatuta, 'DantzanGo!'n bizitako une hunkigarri eta dibertigarrienak gogoratuko dituzte talde finalistek.
Informazio gehiago (1)
Gaurko 'DantzanGo!' saioaren atal bereziak lau dantza-talde finalistak gertutik ezagutzeko aukera eskainiko du. Zuriñe Hidalgok gidatuta, finalaren prestaketak lehen pertsonan ezagutzeaz gain, orain arte 'DantzanGo!'n bizitako une hunkigarri eta dibertigarrienak gogoratuko ditu saioak finalistekin.
Horrez gain, denboraldiko emanaldi onenak berreskuratuko dituzte, eta dantza-lagunek euren esperientziaren balorazioa egingo dute. Une berezi ugari izango ditu aste honetako saioak.
'DantzanGo!' saioa asteazkenetan eta ostiraletan izaten da ikusgai, 22:30ean eta 21:00etan hasita, ETB1en eta eitb.eus-en.
