Prentsa aretoa
Eduki nabarmenak
"Lau Teilatu: Janus Lester", larunbat honetan, "Oholtzan" saioan
EITB MEDIA
Iruñeko Baluarte jauregiko teilatutik Janus Lester banda nafarraren kontzertua eskainiko da. Ondoren, Puro Relajo taldeak iazko sanferminetan egindako emanaldiaz gozatu ahal izango da.
Larunbata, 2023ko uztailak 8: Eduki nabarmenak ETB1en eta eitb.eus-en
Kirol emanaldiak ETB1en eta eitb.eus-en
Pilota, txirrindularitza eta arrauna izango ditugu larunbat honetako kirol eskaintzan. 12:00etatik aurrera, ETB1en eta eitb.eus-en, Emakumezkoen San Fermin Torneoa eskainiko da, Iruñetik: lehendabizi, 3. eta 4, postuak erabakiko dituen partida, Aldai-Vergara vs Garai-Galeano; ondoren, finala, Arrizabalaga-Oses vs Zabaleta-Gaminde.
Bazkal ostean, 15:00etatik aurrera, Frantziako Tourraren 8. etapa izango dugu ikusgai, Libournen hasi eta Limogesen bukatuko den 201 kilometroko ibilbidea. Segidan, Donostiako Fabrika Banderaren emankizuna hasiko da, Euskotren eta Eusko Label ligen barruan.
"Oholtzan: Lau Teilatu Iruñea + Puro Relajo" – 21:00 ETB1en eta eitb.eus-en
Ilaski Serranok aurkeztutako "Oholtzan" saioak bi ikuskizun eskainiko ditu aste honetan. Lehenik eta behin, aurtengo "Lau Teilatu" kontzertu sortako lehen emanaldia izango dugu: Janus Lester banda nafarraren kontzertua Iruñeko Baluarte jauregiko teilatutik. Ondoren, Puro Relajo taldeak iazko sanferminetan egindako emanaldiaz gozatu ahal izango da.
