telebista
Kirol emanaldiak
Merino II-Ezkurdia, zuzenean, ETB-1en eta eitb.com-en
A.A.
EITB
Romandiako Itzuliko 3. etapa ere zuzenean emango da.
-
Xabier Euzkitze eta Joxean Tolosa
Zuzeneko bi kirol emanaldi eskainiko dituzte ETB-1ek eta eitb.com-ek gaur. Txirrindularitzarekin ekingo diote 16:20ean, Romandiako Itzuliko 3. etaparekin. Payernen hasi eta amaituko den 180 kilometroko jardunaldiaren ingurukoak Alfontso Arroiok eta Xabier Usabiagak ekarriko dizkigute.
Gaueko hamarretan, ohi denez, pilotaren leihoa zabalduko dute. Altsasuko jaialdia binakako partida batekin hasiko da: Aritz Lasa-Merino I/ Mendizabal III –Peñagarikano. Eta ondoren, buruz buruko txapelketako kanporaketa jokatuko dute David Merinok eta Joseba Ezkurdiak. Esatari taldea Xabier Euzkitzek, Joxan Tolosak eta Koldo Aldalurrek osatuko dute.
