telebista
Igandean
Arrauna eta pelota igandean, zuzenean, ETB1en eta eitb.com-en
A.A.
EiTB
Espainiako Traineru Txapelketa, Xala-Barriola / Jaunarena-Zabaleta partida, Moresmau-Ibai Erkiaga / Korta-Endika zesta partida eta harrijasotzaileen Laukarizko Harria izango dira ikusgai.
Bideoak (1)
ETB1en igandeko kirol programazioak zuzeneko bi emanaldi dakarzkigu. Eguerdiko 12etan Espainiako Traineru Txapelketa izango da ikusgai Moañatik, Mikel Olazabalen eta Ibon Gaztañazpiren kontakizunarekin. eitb.com atarian ere jarraitu ahal izango da zuzenean emanaldia.
Arratsaldeko bostetan Berarekin egingo dute bat ETB1 eta eitb.com-ek, bertako pilota jaialdia zuzenean eskaintzeko. Atariko partidan Gonzalez-Merino I eta Apezetxea-Laskurain bikoteak izango dira aurrez aurre. Ondoren, neurketa nagusian, Xalak eta Barriolak, Jaunarena eta Zabaletaren aurka neurtuko dituzten indarrak. Xabier Euzkitzek egingo ditu esatari lanak Joxan Tolosa eta Elena Azpeitia lagun dituela.
Bestalde, Laukarizko Harria txapelketaren berri emango du Juanan Legorburuk, Joxe Ramon Iruretagoienarekin batera, ETB1en, 16:00etatik aurrera. Uztailaren 27an Mungian jokatu zen harrijasotzaileen lehia hau.
Amaitzeko, ETBKn, 14:30ean, Moresmau-Ibai Erkiaga / Korta-Endika zesta punta partida emango da. Iñigo Aiestaranek eta Jabier Arkarazok egingo dute ostiral gauean Hondarribian jokatutako neurketaren inguruko kontakizuna.
