telebista
Zuek hor eta gu hemen
Zein da historiako Gabonetako iragarkirik onena? Erantzuna, gaur!
Amaia Artetxek aurkezten duen atalean Gabonetako iragarki onena zein izan den aukeratuko dute.
Amaia Artetxe izango dugu astelehenero moduan ETBn zer atalarekin. Telebistako saio berriak, txutxu-mutxuak, joerak… denetarik kontatzen digu. Gaurkoan historiako Gabonetako iragarkirik onena aukeratuko dute. Amaia Artetxek, Anjel Alkainek eta Aitziber Garmendiak proposamen bana egingo dute, eta horren arabera aukeratuko dute iragarkirik onena.
Agurne Anasagastik gidatuko du tertuliarako tartea, eta dagoeneko ezagunak ditugun hiru tertuliakide izango ditugu mahaiaren inguruan: Peio Zabala, Maitena Salinas eta Judas Arrieta. Aktualitateko kontu eta bitxikeriak aipatuko dituzte. Gainera, Peio Zabalak asteko eguraldiaren berri emango digu.
Astelehenero bezala, lehiaketa berri bat abiatuko dugu. Asma ezazue zein den fraideek ahopean abesten duten kanta, eta ostiraleko zozketan parte hartuko duzue! Aste honetan, Debako Aisia hotelean bi lagunentzako asteburu zoragarri bat zozkatuko dugu! Bidali erantzuna eta izen-abizenak WhatsApp bidez 605779540 telefono-zenbakira!
