telebista
Kirol emanaldiak
Laboral Kutxa-Nizhny Novgorod, gaur, zuzenean, ETB1en eta eitb.eus-en
EITB
Horrez gain, Donostian jokatuko den binakako pilota txapelketako partida eskainiko da zuzenean.
Informazio gehiago (1)
Gaur, Laboral Kutxa eta Nizhny Novgorod taldeek Euroligako Top 16 fasearen hirugarren jardunaldiko partida jokatuko dute Gasteizko Buesa Arenan, eta ETB1ek eta eitb.eus-ek zuzenean eskainiko dute norgehiagoka. Asier Arangurenek eta Josean Aldalurrek egingo dute partidaren gaineko kontakizuna 20:30etik aurrera, eta Juan de la Vega kazetariak protagonistei elkarrizketak egingo dizkie bertatik bertara.
Ondoren, Donostiako Atano III.a pilotalekuan jokatuko den jaialdiarekin zuzenean bat egingo du Euskal Telebistak. Tainta-Untoria eta Victor-Iturriaga bikoteek jokatuko dute atariko partida, eta ondoren, Altuna III-Cecilio eta Artola-Albisu izango dira aurrez aurre, binakako txapelketaren barruan. Xabier Euzkitzek, Joxan Tolosak eta Ibon Gaztañazpik emanaldiaren kontakizuna egingo dute, 22:15etik aurrera, ETB1en eta eitb.eus-en.
Bi partiden arteko atsedenaldian, Cordoba eta Eibar taldeek jokatuko duten liga partidako laburpena eskainiko du Joseba Urkiola kazetariak.
