telebista
Canal Vasco/ETB Sat Lehiaketa
Hiram Ibarra, Canal Vasco/ETB Sat lehiaketaren irabazlea, EITBn
E.O.
EITB
EITBren Bilboko egoitza bisitatu du mexikarrak bere emaztearekin batera, Euskadin disfrutatzen ari diren bidaiaren baitan.
Hiram Ibarrak irabazi du Canal Vasco/ETB Sat 2009 EITBren nazioarteko kateak urtero antolatzen duen lehiaketa. Hala, emaztearekin batera, Euskadira bidaia irabazi du eta asteartean heldu ziren Bilbora Monterrey (Mexiko) hiritik. "Vaya Semanita", "Objetivo Euskadi" edo "Euskolegas" saioetan hainbeste aldiz ikusi dituzten hiriak eta pertsonak ezagutzeko gogoz daude hemen.
Monterry hiriko 28. kate publiko eta kulturalaren bidez ezagutu zuen Hiramek ETB. Laster, EITB Taldearen inguruan ikertzen hasi zen, eitb.com-en kontsumitzaile bilakatzeko. eitb.com-en bidez, irratia entzuten du eta ETBko bideoak zein emisioak ikusten ditu; batez ere, "Vaya Semanita"ren Jonan pertsonaia eta "Objetivo Euskadi" saioa gustatzen zaizkio.
