telebista
Kirolak
Krosa Elgoibartik eta pilota Zumaiatik, gaur, zuzenean, EiTBn
EiTB
Juan Muguerza Nazioarteko Krosaren emanaldia 12:30ean hasiko da eta pilota jaialdia, txapelketako Elezkano II-Rezusta / Irribarria-Zabaleta partidarekin, 17:00etan.
-
Elezkano II eta Rezusta, frontoian. Argazkia: EiTB
Elgoibarko Juan Muguerza Nazioarteko Krosarekin zabalduko da ETB1en eta eitb.eus-en kirol eskaintza igande honetan. 12:30ean hasiko da zuzeneko emankizuna.
16:00etan, herri kirolen tartean, bezperan Azkoitian jokatutako Urrezko Aizkolarien jardunaldia izango dugu ikusgai.
17:00etan zuzeneko pilota emanaldia izango dugu Zumaiatik. Mendizabal III-Erostarbe / Jaka-Garmendia partidarekin hasiko da jaialdia. Ondoren, Binakako Txapelketako Elezkano II-Rezusta / Irribarria-Zabaleta jokatuko da.
Amaitzeko, 12:00etan, Kutxabank Ligako pala partidak eskainiko dira ETB4n, 3. eta 4. posturako partida eta finala.
