Anaitasuna-Bidasoa eta Iruñeko pilota jaialdia, gaur, zuzenean, EiTBn

Larunbateko kirol eskaintza, ETB1en eta eitb.eus-en, 16:10ean hasiko da Asobal Ligako Anaitasuna-Bidasoa eskubaloi norgehiagokarekin.

Hau amaitutakoan 'ETB Kantxa' saioa hasiko da, Iruñeko Labritetik. Arretxe II-Larunbe / Arteaga II-Eskiroz partidak zabalduko du jaialdia eta, ondoren, Binakako Txapelketako Artola-Mariezkurrena II / Irribarria-Zabaleta neurketa jokatuko da.

Gauean, 23:35ean, boxeo emanaldia izango dugu Bilbotik. Lehen borrokaldian Andoni Gagok eta Edwin Tellezek neurtuko dituzte indarrak. Ondoren, oilar pisuko emakumezkoen Espainiako Txapelketa jokatuko da: Violeta Gonzalez eta Davinia Perez. Lehen aldiz jokatuko du euskal emakume batek Espainiako Txapelketa. Azkenik, Jon Miguez eta Vasyl Kurasov izango dira aurrez aurre, gazte mailako munduko gerrikoa jokoan dagoela. Bietatik batek ere ez du oraindik borrokaldirik galdu. Miguezek bederatzi borrokaldi egin ditu eta denak irabazi. Kurasov ukrainarrak zazpi neurketa eta beste horrenbeste garaipen eskuratu ditu.