telebista
Kirolak zuzenean
Euskal pilota egokituko Master Cupeko finalak, gaur, zuzenean, EiTBen
EiTB
Adimen urritasuneko finala Cueto - Huegun eta Esnal - Sagarmendi artean izango da; gurpildun aulkidun artekoa, berriz, Lasa - Lizaso eta Etxezarreta - Navaridas bikoteek jokatuko dute.
-
Gurpildun aulkian doan jokalaria. Irudia: EiTB
Beasainen jokatuko diren euskal pilota egokituko Master Cupeko finalak zuzenean ikusteko aukera izango dugu, gaur, ETB1en eta eitb.eus-en. Adimen urritasuneko finala Sheila Cueto - Iraitz Huegun eta Leire Esnal - Eneko Sagarmendi artean izango da; gurpildun aulkidun artekoa, berriz, Joseba Lasa - Beñat Lizaso eta Javier Etxezarreta - Asier Navaridas bikoteek jokatuko dute. 12:00etan hasiko da emankizuna, eta Iñigo Aiestaranek eta Jurgi Olasagastik egingo dute kontakizuna.
16:00etako herri kirolen tartean hilaren 31n Zarautzen jokatutako Bi Harri Txapelketaren ingurukoak ekarriko dizkigute Ibon Gaztañazpik eta Goenatxok.
Bidasoa Irunek Errege Kopako finala jokatuz gero, 19:00etan eskainiko da ETB4n eta eitb.eus-en.
