Zarauzko pilota torneoaren finalaurrekoa, bere ordu-tartean nagusi, ostegunean

Ostegun arratsaldean Azkoitian jokatu zen Zarauzko ¿pilota torneoaren finalaurrekoaren zuzeneko emanaldia bere ordu-tartean nagusi izan zen % 12,3ko audientzia zatia eta euskaldunen arteko % 26,4ko kuota bereganatuz. Irribarria-Rezusta bikoteak irabazi zuen norgehiagoka, eta igandean, abuztuaren 18an, jokatuko dute finala. Partida ETB1en eta eitb.eus-en izango da zuzenean ikusgai, 17:00etatik aurrera.

Bestalde, ETB2k arratsalde osoan zehar eskainitako El libro de los negros minisailak ere audientziaren harrera bikaina izan zuen. Mini-sailaren sei atalek batez beste % 9,9ko kuota izan zuten. Halaber, 111.000 ikus-entzuleko audientzia metatua bereganatu zuten Euskadin eta eragin eremuan.