Esku pilota, saskibaloia, txirrindularitza eta zesta punta, asteburuan

Esku pilotak, saskibaloiak, txirrindularitzak eta zesta puntak osatuko dute asteburuko kirol emanaldien zerrenda ETB1en eta eitb.eus-en. 

Lau T'erdiko Txapelketako final zortzirenetako bi partidaz gozatuko dugu: Laso vs Peña II, larunbatean Donostiatik, eta Urrutikoetxea vs Victor, igandean Lekeitiotik. Bi jaialdiak 17:00etan hasiko dira (igandekoa 18:00ak arte ETB4n), eta eskuz binakako bina partidekin osatuko dira. 

Larunbat gauean, 23:00etan, Hondarribiko Gran Slameko bi zesta punta norgehiagoka eskainiko dira: Erkiaga-Etxeto / Olharan-Del Rio eta Beaskoetxea-Zabala / Hormaetxea-Manci. 

Igande goizean, 12:00etan, saskibaloia izango dugu: Endesa Ligako Lointek Gernika vs IDK Gipuzkoa derbia. 

Azkenik, 13:30etik aurrera Paris-Roubeaux txirrindularitza proba izango dugu ikusgai (albistegiak dirauen bitartean ETB4n izango da emanaldia).