Goenkale
Aurrerapena
Jessiren gorpuari buruzko argibide berriak agertuko dira, 'Goenkale'n
Erredakzioa
Jessiren desagertzea argitzeko ikerketan, froga berriak agertuko dira, eta baliteke gorpua non lurperatu duten jakitea.
Inesek Jonen bala-zauria ikusiko du, eta honek gezurra esango dio. Hala ere, geroago pistola bat aurkituko du Inesek koltxoi azpian, eta horren gaineko azalpen bat emateko eskatuko dio Joni. German, berriz, bere etxera joango da, Mireia bertan bizitzen jarri den ikustera, eta bien arteko harremana gero eta serioagoa izango da.
Bestalde, Ibon guztiz desesperatuta egongo da, bere burua elbarri ikusita.
Garbiñeren familia adorerik gabe geratzen ari da, eta Sabino horiei laguntzen saiatuko da. Gainera, Sabino bere izebak ezkutatu dion sekretuaz jabetuko da, iraganean Abelekin maitasun-harremana izan zuela jakingo du.
Azkenik, Jessiren desagerpenari buruzko ikerketa azkenetara helduko da. Froga berriek argibideak emango dituzte Jessiren gorpua non lurperatu duten jakiteko.
'Goenkale' astelehen eta astearteetan dago ikusgai, 22:30etik aurrera, eitb.com-en eta ETB-1en.
