Twitter sutan, 'Gutarrak'-en Aitor kanporatu zutenean

Sare sozialetan, Twitterren batik bat, mugimendu handia egon zen atzo, osteguna, Aitor Ormazabal 'Gu Ta Gutarrak' saiotik kanpora gelditu zela jakin zenean. Ordu erdi eskasean 200 txiotik gora bota ziren eta beste hainbat bertxio egin ziren.

'Gu ta Gutarrak' saioko jarraitzaileak emisioa dagoen bakoitzean, astelehenetik ostiralera, txioka ariatzen dira Twitterren; #gutagutarrak traola emisio ordu horretan erabilienetako bat izan ohi da askotan euskal tuiterlarien artean, umap.eu orriko joeren arabera. Eta halaxe izan zen atzo ere.

Aitor, Janire, Oskar eta Joseba ziren arriskuan zeuden laurak. Saioaren hasieran, Aitorrek bat salbatzeko aukera izan zuen eta Janire salbatzea erabaki zuen, bere burua salbatu beharrean. Erabaki horren ondorioz, saioko azken minutuetan Aitor bera gelditu zen kanpoan.

Aitorrek Janire salbatu zuen momentuan hasi zen jariorik handiena #gutagutarrak traolarekin. Asko eta asko ziren Aitor kanpoan ikusten zutenak eta erabaki txarra hartu izana leporatzen ziotenak:

@ArrateSnoe-k adibidez honako hau idatzi zuen: "Aitor fastidieu inzu Janire salbetan,lehenengo zeure burue salbeu behar zendun". Eta antzerakok izan ziren mezu gehienak: @Irune16: "Aitor ezin da joan!!!"; @carmona2134: "ze pena aitorrek janire salbatzea zelako pena ez jutea arghhh "...

Tartean, Aitorren arrebak berak ere bota zion tuit bat: "neuronatxo hoiei erabilera gehiago eman ezkeo ezan hau pasako baino bueno, HARRO GAUDE ZURETAZ,AUPA BROTHER!"

Eta behin kaleratzea gauzatu zenean, Billabonako mutilaren aldeko mezu ugari irakurri ahal izan ziren.

Aitor Ormazabalik gabe, baina saioak aurrera jarraitzen du orain. Astelehenean, 21:15ak aldera, ikusiko dugu hurrengo atala. Eta bitartean eitb.eus-eko webean jatorrena nor den aukeratzeko botazioan parte hartu dezakezue!