Itxi Liburuak
22:30ean
Inauterien historia, Aitziber Garmendiarekin, gaur gauean, "Itxi Liburuak" saioan
EITB Media
Inauterien historia eta giroa ezagutzeko aukera izango dugu: Iturenen, Auritzen, Donostian eta Tolosan. Gaizka Aranguren dibulgatzaileak lagunduta, gaia modu entretenigarrian kontatzeko erronka izango du Aitziberrek.
Informazio gehiago (2)
Gaur gauean, inauteriak izango dira "Itxi Liburuak" saioaren ikasgai berria. Aitziber Garmendia aktoreak izango du, oraingoan, irakasle postuan jarri eta gaia modu ezberdin eta entretenigarri batean kontatzeko erronka.
Gaizka Aranguren historia dibulgatzaileak lagunduta, inauterien historia eta giroa ezagutzeko aukera izango dugu: Iturenen, Auritzen, Donostian eta Tolosan eginiko elkarrizketekin. Elkarrizketatuen artean honako hauek izango dira: Jabier Bereau, Mikel Ozkoidi, Juan Antonio Urbeltz, Aitzpea Leizaola, Akaitze Kamiruaga eta Fernando Rojo.
Kaleak alaitu eta mozorrotzen dituen festari buruz ikasitako guztia ikasleei azaldu beharko die gero Aitziber Garmendiak. Aktoreak duen umorea eta komunikatzeko gaitasuna nahikoa izango al dira ikasleak inauterietan murgiltzeko?
Erantzuna, gaurko "Itxi Liburuak" saioan, 22:30ean, ETB1en eta eitb.eus-en.
