Karabana
21:15ean
'Karabana'k denboraldiari agur esango dio gaur, Zarautzen
EITB
Zigor Iturrietak eta Itxaso Gonzalezek hainbat gonbidatu izango dituzte.
-
Zigor Iturrieta eta Itxaso Gonzalez 'Karabana' saioan. Argazkia: EiTB
Gaur iluntzean, abuztuaren 30ean, izango da ikusgai 'Karabana' saioaren denboraldiko azken atala. Zigor Iturrieta eta Itxaso Gonzalez Zarautzen izango dira, eta hainbat gonbidatu izango dituzte lagun, horien artean: Joxe Gesalaga sukaldaria, Horacio Chacin gozogilea, Iker Antxus Skasti taldeko abeslaria eta Juantxo Gazta dendako Juantxo Goikolea.
Gainera, Nakor Markezekin Zarautz ezagutzeko aukera izango dute, eta Xabi Osa kirolariarekin cross fit entrenamendua egingo dute.
Amaitzeko, Paquitak eta Nekanek txipiroiak bere tintan prestutako dituzte, eta Xabik eta Imanolek kuskusa egingo dute.
'Karabana' 21:15ean izango da ikusgai ETB1en eta eitb.eus-en.
