Zuek hor
Saio berria
'Zuek hor!' saio berria, asteazken gauetan
EiTB
Anjel Alkain, Iker Galartza eta Aitziber Garmendia asteazken gauero etorriko zaizkigu ETB1era urtarrilaren 14tik aurrera, umorea eta barrea nagusi izango diren saio berri batekin.
Informazio gehiago (1)
Asteazken gauetan, 22:30 aldera, Anjel Alkain, Iker Galartza eta Aitziber Garmendia ETB1en izango ditugu 'Zuek hor!' saio berrian. Umorea eta barrea izango dira nagusi bertan.
Orain arte ETB1eko bazkalosteak poztu dizkiguten Anjel Alkain, Iker Galartza eta Aitziber Garmendia gauez arituko dira orain, saio berri batekin. Baina ez dira bakarrik egongo; bi gonbidatu izango dituzte astero. Elkarrekin loturaren bat duten baina aldi berean bizimodu ezberdina duten bi gonbidatu izango dira. Programa berriaren helburua bi gonbidatu horiekin ongi pasatzea eta lasai barre egitea izango da.
Tarteka-tarteka, hiru aktore hauek azkenaldian ezagun egin dituzten pertsonaia batzuk ere azalduko dira programan, gonbidatuak zirikatuz edota bizitzari buruzko ikuspuntu xelebrea emanez.
Hau guztia aste honetatik aurrera ikusi ahalko dugu asteazkenero, ETB1en eta eitb.eus-en.
