Zuek hor
22:25ean
Joseba Agirretxea, gaur, 'Zuek Hor!!' saioan
EITB
Gonbidatuaren ibilbidea errepasatuko dute Ibon Gaztañazpik eta Marta Elvirak, dagoeneko ezagunak diren pertsonaien laguntzarekin: La Jaio txonia, Andoitz eta Gorane haurrak, Boiseko bikotea, etab.
-
Joseba Agirretxea
Gaur gauean, Joseba Agirretxea politikaria izango dute gonbidatu Ibon Gaztañazpik eta Marta Elvirak ETB1eko 'Zuek Hor!!' saioan. Agirretxea EAJ-PNV alderdiko diputatua da Madrilgo Kongresuan, eta datozen hauteskundeetan Gipuzkoako zerrendaburua izango da, Kongresuan berriro ere jeltzaleen hautagaia izateko. Ondarroarra jaiotzez, Donostian bizi da aspaldian, eta ETBko aurkezle ezaguna izan zen bere hastapenetan.
Dagoeneko ezagunak diren La Jaio txoni zarbasta eta Andoitz eta Gorane haurrak ez dira faltako astearteko saioan. Boiseko bikotea oporretara joan zen eta etxera itzuli ezinik dabil. Nondik egingo ote dute aste honetan euren konexio berezia? Gure azafata bereziak Gernikan izan dira, Tolosako babarrunak saldu nahian, eta denen artean saio umoretsua egitea izango dute helburu.
Giroa musikatuz, eta Aitor Gabilondo buru duela, Zukutu Band taldea izango da 'Zuek Hor!!' saioko platoan, eta pertsonaiak gorpuzten, berriz, Anjel Alkain, Aitziber Garmendia, Iker Galartza eta Ana Elordi arituko dira.
Maddalen Arzallus bertsolariak biribilduko du saioa, elkarrizketan zehar gonbidatuak aitortu dituen bitxikeriekin bertso-bertsio musikatu bat egingo baitu zuzenean, Zukutu Band taldearen ezinbesteko laguntzarekin.
'Zuek Hor!!' saioa 22:25etik aurrera izango da ikusgai, ETB1en eta eitb.eus-en zuzenean.
us-en zuzenean.