Polizia Foralak 9 urteko haur bat harrapatu du quad bat gidatzen zihoala, NA-134 errepidean.

Gertakaria iragan larunbatean izan zen, kontrol bat egiten zegoen patruila batek quad bat haiengana hurbiltzerakoan, gidariak abiadura moteldu eta norabidea aldatzen zuela ikusi zuten.

Agenteek ibilgailua geldiarazi zuten eta adingabeak gezurrezko adina eman zien. Aitarekin kontaktuan jarri ostean, haurrak 9 urte zituela eta aitak quad-a erabiltzen utzi ziola jakin izan zuten.

Adingabeen Fiskaltzaren eskuetan jarri dute kasua.