Jasaten duten diskriminazioa salatzeko manifestaldia egin eta komuneko papera bota dute Frantziako Gobernuak Baionan duen ordezkaritza aurrean. Aurten ere ezingo dute Euskara erabili, baina borrokan jarraituko dute, ondorengoengatik. Ziburun, Senperen, Donostian eta Bilbon ere mobilizatu dira.

Gipuzkoako Foru Aldundiak "desadostasun irmoa" adierazi du, Auzitegi Gorenak Uliazpik aurkeztutako errekurtsoa ez izapidetzea erabaki duelako.

Bizitza errealean oinarritutako anekdotez beteta, euskaldun berrien eta zaharren arteko tira-birak umoretik lantzen dituen antzezlana da Euskaldungak. Horren nondik norakoak azaldu dizkiote Aroa Blanco eta Maite Lopez aktoreek Joseba Arguiñanori.

Sei hizkuntza hitz egiten ditu Indiatik etorritako apaiz klaretar honek. Duela sei urte etorri zen Euskal Herrira; Iruñeara lehenengo, Errenteriara gero eta Leioara azkenik. Euskara ezagutzearen beharraz Errenterian igarri zuen, tokiko kultura eta historia ezagutzeko garrantzitsua delakoan.

Inoizko jai handiena izango da, bi gune berrirekin, eta hamaika ekitaldi antolatu dituzte, tartean talde entzutetsuen kontzertuak.

Horixe adierazi du Peio Jorajuria Seaska Ipar Euskal Herriko ikastolen elkarteko lehendakariak Senpereko jaiaren atarian.

Gasteizen, duela urtebete zabaldu behar zuen Gasteiz Antzokiak itxita jarraitzen du, bere bultzatzaileak, Udala eta Lazarraga elkartea blokeo egoeran baitaude 112.000 eurorengatik. Euskararen gune izan behar duen antzokiaren irekiera eskatzeko plataforma bat aurkeztu dute.

Estreinatuko dituen hurrengo lanak izan ditu hizpide Ramon Agirrek: 'Lurrez estali' antzezlana eta 'Ehiza' eta 'Norberta' filmak. Dioenez, euskal zinema euskaraz egiten den zinema bada, ez dago osasuntsu. 70 urte beteko ditu aurten, eta nahiago du aitona papera egin etxean egon baino.

Hiromi Yoshida hizkuntzalari, idazle eta irakasle japoniarraren bisita izan dugu. Euskara irakaslea ere bada Tokioko unibertsitatean eta Etxepare Euskal Institutuko irakurlea izan da.

Jean-Jules Flesher gazte estatubatuarra ezagutu dugu. Iaz Zaldibiako familia batean egin zuen 3 asteko egonaldia "Ateak Ireki" egitasmoaren baitan, eta, behin amaituta, Euskal Herrian geratzeko hautua egin zuen. 8 hilabete daramatza euskara ikasten Maizpide (Lazkao) barnetegian, Lazkaon.

Iazko arrakastaren ondotik, bueltan da "Ateak Ireki" egitasmoa. Euskal jatorriko 35 gazte estatubatuarrek egonaldia egingo dute ekainaren 25etik uztailaren 16ra euskara ikasi eta euskal kulturan murgiltzeko. Goierriko familiak deitu dituzte egitasmoan parte hartu eta gazte horiei ateak irekitzeko.

Espainiako kongresuan aldibereko euskarazko lehen itzulpena Itziar Mendizabalek egin zuen 2023ko irailaren 19an. Dioenez, tentsio puntu bat egon zen egun hartan, baina ilusio berezi bat ere sentitu zuen. Interpreteen lanaren xehetasunak azaldu dizkigu. Sekulako kontzentrazioa eskatzen du lanak.

Idatzizko itzulpengintzan eskarmentu handia du Iñaki Mendigurenek; EIZIE elkarteko ohorezko bazkidea da. Berak itzuli ditu, besteak beste, 'Harry Potter'ren liburu guztiak; 3.700 orrialde eta 10 urte. Dioenez, itzulpen literarioetatik bakarrik bizitzea ezinezkoa da, bestelakoak ere egin behar dira.

Bergarako Jardun euskara elkarteak eta Goiena komunikazio taldeak "Algaraka" umorezko bakarrizketa lehiaketa antolatu dute EITBrekin elkarlanean. Oihane Agirrek azaldu digunez, euskarak merezi zuen formatu honetan lekua; apirilaren 19ra arte eman daiteke izena. Primeranen izango da ikusgai.

Kirol arloko EBETE proiektua aurkeztu digu Markel Barojak, proiektuaren arduradunak. Kirolaren bitartez euskararen sustapenean lan egiten dute; horretarako erabiltzen dituzten ekintza desberdinei buruz hitz egin digu Markel Barojak, adibidez, 'Hitzez jolastu' izeneko dinamikari buruz.

Ingurune digitalean euskararen erabilera indartzea du helburu ekimenak. Gaia librea da, eta Memeka plataformaren bidez sortu behar dira. Hilaren 21era arte egongo da deialdia irekita, eta onenak 200 euro jasoko ditu.

Manex Agirrek txapelketak uztea erabaki du eta Arabako txapelketaren finalean iragarri zuen bere agurra. Bertsolariak birritan irabazi izan du Arabako bertsolari txapelketa; "Biba Zuek"en bere ibilbideari buruz hitz egin digu.

2014an eman zituen lehen urratsak .EUS domeinuak eta 15.000 erregistro izatera heldu da. 10 urteren buruan domeinuak osasun paregabea izaten jarraitzen duela adierazi du PuntuEus Fundazioaren zuzendari Josu Waliñok.