Gastronomia

70 herrialdeetako 3.000 lagunek parte hartu dute Munduko Arrozak jaian. 50 bat arroza txapelketan lehiatu dira. Jaia bukatzeko, mauka-mauka jan dituzte prestatutako arroza guztiak.

Humo Pizzeriaren Entrepanes lokalean oilasko frijituzko ogitarteko berezia prestatu digute.

Donostiako, ireki berri den, Sardexka taberna ezagutu dugu eta bertako Smash burgerra egin digute.

Marie eta Solange Diattak, amarekin batera, Thiéb Thiéb sortu berri dute, senegaldar janaria ematen duen zerbitzua. Catering zerbitzua eta etxera eramateko kutxak eskaintzen dituzte. Ekainaren 23an, igandea, Bilbon egingo den Afrobrunch jaialdian parte hartuko dute.

Arroka Berri jatetxea ezagutu dugu eta nola prestatzen dituzten idi bustanez betetako piper berdeak ikusi dugu.

"Ez naiz beste sukaldari batzuk baino hobea sentitzen", adierazi du Etxebarri Erretegiko sukaldariak munduko bigarren jatetxe onena izendatua izan ostean. Bere hitzetan, sariak "presio handia ekartzen du, baina eguneroko lana egiten jarraitu behar dugu".

Horretaz gain, Getariako Elkano jatetxeak 28. postua lortu du. Atxondoko erretegiak bi postu egin du gora munduko 50 jatetxe onenen zerrendan, iaz laugarren postuan sailkatu baitzen. Elkano jatetxeak sei postu egin du atzera, 22.etik 28.era.

Jokin San Josék, instagrammer eta tiktoker famatuak, Bilboko Eoni Bakes gozotegiko croissant arrakastatsuak aurkeztu dizkigu. Jhongris Rodríguezek, gozotegiko arduradunak, hiru croissant mota desberdin prestatu dizkigu.

Aztiria erretegia ezagutu dugu eta Izaskun Arruti sukaldariak jatetxeko postre izarra nola egiten duten azaldu digu: sagar tarta. Dastatzeko aukera izan dugu!

Juanjo Intxausti Legazpiko Azpikoetxe jatetxeko arduradunak dioenez, eguneko menua eskaintzen dute, baita asteburukoa eta pintxoak ere. Plater tradizionalak prestatzen dituzte. Zigalatxoak pipermorroekin nola kozinatzen dituen erakutsi digu Juan Mari Arzaken ikaslea izandakoak.

Algortako La Birrotxa "tabeerna"ko bazkideak dira Edu Gartzia, Tito Esteban eta Sira Antolin. Eduk azaldu digunez, Titok ekoizten duen garagardoa eskaintzen dute, baita "beermuta" eta kalimotxoa ere. Txibierro beltzak edo black rabas nola prestatzen dituzten azaldu digute.

La Kala taberna 2002. Urtean zabaldu zen. Hainbat pintxo desberdin eskaintzen dituzte, baina bereziki famatuak dira egiten dituzten patata tortillak. Dastatzeko aukera izan dugu!

Aretxabaletako Iosu harategiko tripakiak Gipuzkoako txapeldunak izan ziren 2023an. "Sukalerrian" saioan dastatzeko aukera izan dugu eta tripakiak nola egiten dituzten azaldu digute.

Sektoreko arlo ezberdinetan lanean ari diren profesionalak dira eta elkarrengandik ikasteko baliatu dute gaurko jardunaldia.

Malatesta pizza eta garagardo kooperatibaz eta bertan duten eskaintzaz aritu zaigu Aritz Aranguren Iruñeko Txantrea auzotik. Pizza eta garagardo ekologikoak eskaintzen dituzte. Saltxitxa fresko eta Scarmorza pizza nola egiten duten erakutsi digu Lorentzo Nobilik.

Myriam harategi-urdaitegian saltzen dituzten butifarrez aritu zaigu Myriam Murua Donostiako Bretxa merkatutik. Dioenez, bi motatan sailkatu daitezke: freskoak eta egosiak. Horien artean hainbat zapore ezberdinetakoak dituzte salgai, eta hainbat erara kozinatu daitezke.

Sukaldari lanetan aritu da Albina Stardust Donostiako Garraxi tabernan. Aza entsalada beganoa prestatu du Idoia Garciarekin batera. Egunero plater desberdinak prestatzen dituzte Garraxin, barazkijaleentzat eta beganoentzat aukera oso zabala baitago.

Iruñeko Miravalles gozotegiaren historiaz eta bertan eskaintzen dituzten produktuez aritu da Marga Ezkurra Txantrea auzotik. Dioenez, denetariko gozo artisauak prestatzen dituzte, tartean beganoak. Miguel Arpon gozogileak bertako New York roll kubo famatuak nola egiten dituzten azaldu digu.

Maianne Sarriegi Basque Culinary Centerreko ikasleak ikastetxearen berri eman eta La Viña gazta-tarta nola egiten den azaldu digu. Errezeta prestatzeko arrautzak, azukrea, gazta-krema, mascarponea, gari-irina eta esnegaina erabili ditu. Gazta-tarta ezberdinez hitz egin digu.

Ziripot Tabernak duela 44 urte ireki zituen ateak. Ospe eta kalitate handiko pintxoak eskaintzen dituzte; famatuenetarikoa patata tortilla dela azaldu digute.

50 alga mota dira jangarriak Jurgi Arejita Malaespera Txokoko sukaldariak azaldu digunez. Osasungarriak dira, kaltzio asko izateaz gain, digestioan laguntzen dute. Entsaladan, zopan, tenpuratan edota risottoak egiteko erabil daitezke.

Joseba Arguiñanoren hitzetan, 30 minututik gora behar du arroz integralak egosten, arroz zuriak baino gehiago. Integralak zapore gehiago du eta osasungarriagoa da gainera.

Eibarreko Baratze Gourmet-en hainbat plater dastatu ditu Mikel Elizegik. Jatetxeko eskaintzetan sasoiko produktu eta barazkien garrantzia ikusi dugu. Gainera, aurkezleek barazkiekin duten harremana aztertuko du Mikel Elizegik.

Modu azkar eta garbian, baratxuriak zuritzen ikasi dugu. Adi Josebaren jarraibideei!

Donostiako alde zaharrean dago Kamal Ostreria. Itsaskiak eskaintzen dituzte, olagarroa, txirlak, ganbak, lanpernak… Baina ostrak dira beraien berezitasuna. Sasoi honetan, hiru barietate ezberdin dituzte (Fine de Claire, bereziak eta lauak), baina udan zazpi mota ere izan ohi dituzte.

Maria Amundarain "Sukaldarien Liga" lehiaketaren irabazlea "Biba Zuek!" saioan izan da Euskal Herriko sukaldaririk onenaren saria lortu berritan. Azaldu duenez, irabazlea zela esan ziotenean ezin zuen sinetsi. Dioenez, 25.000 euroko sariaz gain lagun asko eraman ditu saiotik eta asko ikasi du.

Legatza protagonista zuen plater bana prestatu behar izan dute Oierrek, Mariak eta Enekok finaleko azken desafioan. Algak erabili ditu zumaiarrak legatzarekin kozinatzeko, eta bere platera onena izan da epaileen ustez. Maria da Euskal Herriko sukaldaririk onena eta berak eraman ditu 25.000 euroak.

Nortasunaren proban, Euskal sukaldaritza berriari omenaldia egin diote taldeek hiru plater berrinterpretatuz. Oierren taldeak egin du lanik onena eta, beraz, Oier Bonetbelche, Maria Amundarain eta Eneko Ordorika joango dira azken desafiora.

Zazpi finalistetatik sukaldari amateur bakarra da Ibai Karrera, eta bera gelditu da lehen proban finaletik kanpo. Bere amuarrainaren oreka falta aipatu dute epaileek. Oier izango da bigarren desafioko sukaldariburuetako bat, bere platera onena izan baita.

Julen Baz Garena jatetxeko sukaldariaren errezeta jarraituz, amuarraina urdaiazpikoarekin prestatu behar izan dute zazpi finalistek lehen desafioan. Lagunak eta familiako kideak animatzen aritu zaizkie.

Naiara Gorostiagak Bilboko Bocadero jatetxea aurkeztu digu. Bertako produktu garbiak erabiliz, Beatriz Cantero sukaldariak txerri sahieskia eztia eta pistatxoekin prestatu digu.

Xabier Altunak Urnietako Altuna Sagardotegiaren historia aurkeztu digu. Gainera, aurtengo txotx denboraldiaren inguruan hitz egin digu eta sagardotegiak eskaintzen duen menua ikusi dugu.

Behi azpizuna prestatu du Asierrek 'Birsortzea' izeneko azken desafioan, eta bere platera izan da makalena. Orain arte "Sukaldarien Liga"n erabilitako ahalik eta soberakin gehiago erabiliz, plater bana kozinatu behar izan dute, eta Mariak, Jon Iñakik eta Baladik finalerako txartela lortu dute.