Gernika Lumo

Belauneko lesio luze bategatik Winter Seriesean huts egin ostean, indarrez berrituta dator Xabier Barandika zesta-punta pilotaria, eta sasoi betean udako denboraldiari aurre egitea espero du.

Enpresaburuen arabera, inoiz egin duten inbertsiorik onena da. Enpresan langileen ongizatea handitu eta absentismoa jaistea lortu dute.

Julen Arizmendi Armintzako psikologoa eta skate irakaslea da. Gernikako DaiBai skateboarding eskolako sortzaileetako bat da eta bertan inklusibitatea lantzen dute. Besteak beste, gizarteratzeko zailtasunak dituztenekin lan egiten dute.

Kata Legarra Gernikako emagina izan da gure protagonista. Maiatzaren 5ean Emaginen Nazioarteko eguna da eta Kataren bitartez hobeto ezagutuko dugu lanbide hau. 

Gernikako Segundo Olaeta Musika Eskolak eskola jazarpenaren aurka proiektu didaktikoa landu du 'Kausa bat, kantu bat' ekimenaren barruan. Gaiari buelta eman, eta bizitza beste modu batean heltzea posible badela gogoratu nahi izan diote erasotzaileari.

1937ko apirilaren 26an izandako bonbardaketaren biktimak gogoratu dituzte ostiral honetan Gernika-Lumoko hilerrian, eta omenaldia "Ukrainako edo Gazako biktimei" ere luzatu diete.

1937ko apirilaren 26an bezala, 15:45ean puntuan, sirenak eta kanpaiak entzun dira, lau minutuz.

Inoiz argitaratu gabeko irudien bitartez, Jesus Maria Leizaola erbesteratutako lehendakariak muga zeharkatu zuen eguna hobeto ezagutu ahal izan dugu. Fede Bergaretxe jeltzaleak, gerora Basauriko alkatea izan zena, bere autoan eraman zuen Leizaola.

Gainontzeko kideen iruzkinetatik desmarkatu eta beste mezu mota bat helarazi die Asier Villalibrek zaleei, alegia, euskaraz bizi daitezela: "Ez dakizue benetan ze polita den zuek euskaraz entzutea, San Mamesen, Bilbon, kaletik, edonondik…".

Athleticek Gernikako Juntetxera eraman du astearte honetan larunbatean irabazitako kopa. Ekitaldiaren ostean, Muniainek hedabideekin hitz egin du.

Athleticek gaur goizean eraman du Errege Kopa Gernikako Batzar Etxera. Bertan izan dira, besteak beste, Jon Uriarte presidentea, teknikariak eta Iker Muniain, Oscar de Marcos, Iñaki Williams, Iñigo Lekue eta Raul Garcia jokalariak.

Amaierako esprinta egiten saiatu da txirrindulari gernikarra, baina kokapena galdu du 800 metroren faltan, eta atzetik aurrera egiten saiatu den arren, "beranduegi" izan da. Biharko, lasterketaren hasiera zoroa aurreikusten du Bilbaok.

Aguirretarrek eta onaindiatarrek Mallorcako entrenatzailearentzat hitz onak baino ez dituzte. Athletic eta Mallorcaren arteko finalak eragindako urduritasuna elkarrekin gozatzeko bildu dira Gernika-Lumon.

Lointek Gernikak Perfumerias Avenidaren aurka jokatuko du, Erregina Kopako final laurdenetako partida, ostiralean, Huelvan. Marta Alberdi jokalariak lehia nola ikusten duen kontatu du, besteak beste.

Gernika-Lumoko taldeak ostiral honetan erronka handia izango du Perfumerias Avenidaren aurkako Erregina Kopako norgehiagokan. Partidu bakarrera izanik, Lointekeko jokalariek uste dute dena dela posible.

Gontzal Urionabarrenetxea entrenatzaile pertsonalak eta Ana Zendegi psikologoak aurrez aurreko saioak eskaintzen dituzte Gernikan eta Arrasaten, hurrenez hurren, baina euren eskaintza onlinera ere eraman dute, eta gazteen artean malgutasuna eskaintzen duen aukera arrakastatsu bat da.

Jai Alai League, zesta-puntako txapelketa urte osora zabaldu da. Etenik gabeko egutegia izango du, 100 partida baino gehiagorekin, eta lau izatetik hamahiru txapelketa izatera igaroko da; Bilbo, Gasteiz, Zumaia, Markina-Xemein eta Lekeitio batuko dira; Iparraldeko torneoak bikoiztuko dira.

Euskal kazetariak bi urte bete ditu Polonian atxilotuta, eta elkarretaratzeak eta ekintzak antolatu dituzte hainbat hiritan, bere egoera salatzeko, errugabetasun-presuntzioa eskatzeko eta bidezko epaiketa aldarrikatzeko.

Bizkaiko Batzar Nagusietan bere azken agerraldia egin du Imanol Pradales, EAJren hautagaiak lehendakari izateko. Alderdikideei eta gainerako alderdietako ordezkariei eskerrak eman dizkie 12 urte hauetan elkarrekin egin duten lanagatik.