Politika -
Euzko Alderdi Jeltzalea
Joseba Diez Antxustegi arabarra izango da EAJren bozeramailea Eusko Legebiltzarrean
EBBk gaur egindako bileran Diez Antxustegi aukeratzea erabaki du, Joseba Egibar Gipuzkoako EAJren presidentearen tokia hartzeko.
EITB Media
EAJren Arabako zerrendaburua, Joseba Diez Antxustegi, izango da jeltzaleen bozeramailea Eusko Legebiltzarrean astearte honetan hasiko den legealdian.
Euzkadi Buru Batzarrak (EBB) gaur egindako bileran erabaki du Diez Antxustegi aukeratzea, Joseba Egibar EAJk Gasteizko Legebiltzarrean duen bozeramailea ordezkatzeko.
31 urteko Joseba Diez Antxustegi Zuzenbidean lizentziatua da Euskal Herriko Unibertsitatean (EHU). 2019ko ekainetik 2023ko irailera legebiltzarkide izan zen, eta EAJren bozeramailea da Arabako Batzar Nagusietan.
Asparrenako alkategai ere izan zen 2023ko udal hauteskundeetan. Era berean, zinegotzia da udal honetan.