Bigarren indusketan ere, ez dute Jose Miguel Exeberria "Naparra"ren gorpuzkirik aurkitu. 1980an desagertu zen eta Batallon Vasco Españolek hartu zuen erasoa bere gain.  Sekretu Ofizialen legea indargabetzea eskatu dute, beste behin, 'Naparra'-ren senideek.

Popularren Euskadiko zuzendaritzaren komitea Bilbon batzartu da, besteak beste Europako hauteskundeak prestatzeko. Javier de Andresek dio azken hauteskundeetan izan duten hazkundeari segida ematea espero dutela Europan ere.

Eusko Legebiltzarrean akreditazioa lortu duten lehen legebiltzarkideak ostiral honetan bertan Jon Hernandez Sumarreko ordezkaria eta Amaia Martinez Voxekoa izan dira. Biek Talde Mistoa osatuko dute.

Voxeko legebiltzarkideak ziurtzat jo du Eusko Legebiltzarreko Mahaiak erabakiko dituela XIII. legegintzaldian Jon Hernandez (Suma) eta bera izango diren Talde Mistoaren barruko espazioak eta banaketak.

Alba Garcia lehendakariagaiak agerraldia egin du Sumarreko legebiltzarkidearekin batera, eta koalizioaren taldean egongo dela aurreratu du, "gainerako alderdikideekin batera lan egiteko eta babesa emateko".

Sumar mugimenduko idazkari nagusiaren arabera, autonomia estatutua eguneratu egin behar da, eta testu berriak eskubide sozialak blindatu eta Euskadiren nazio izaera aitortu behar ditu.

EH Bilduk Arrasateko Amaia Antzokian elkartu du bere Batzar Nagusia. Apirilaren 21ean egin ziren Eusko Legebiltzarrerako hauteskundeen balorazioa eta testuinguru politikoaren irakurketa egin du koalizio subiranistak.

EAJren Arabako zerrendaburuaren esanetan, autogobernua beharrezkoa da, eta sozialistekin lan egin beharko dute akordioak ahalik eta zabalenak izateko.

Sumarren eta Podemosen batasunaren aldeko ekimenaren sustatzaileek beste batzar bat egingo dute datorren larunbatean Bilbon, ezker federalista plurinazionalaren "batasuna" osatzen laguntzeko (adierazpenak gaztelaniaz).

Mobilizazio handiak egin dira Madrilen Maiatzaren Lehen honetan. Deialdi bateratua egin dute CCOO eta UGT sindikatuek, eta langileen ohiko aldarrikapenei beste bat batu zaie: demokraziaren defentsa.

EAJk eta PSE-EEk  Eusko Jaurlaritza berria osatzeko negoziaketan jarraitzen dute. Eneko Andueza PSE-EEko idazkari nagusiak aurreratu duenez, diskrezioz egingo dute bidea.

Atzo, lehen 15 familia sartu ahal izan ziren; horietatik 4 euskaldunak. Jasone Aretxabaletak eta Iñigo Artetxek kontatu diote ETBri han bizitakoa. Bertan sartzeak eragindako korapiloa askatzeak luze joko diela esan dute.

Zupiriak azpimarratu du ETAren terrorismoa izan dela Euskadiko demokraziaren mehatxu "larriena". Beste kasu batzuk ere aipatu ditu, hala nola Eusko Legebiltzarreko mahaiaren kargugabetzea, seinalamenduak, egunkarien itxiera eta abar. "Egoera horiek ez dira oraingoak", gaineratu du.

Koldo auziari buruzko Senatuko ikerketa batzordean, Santos Cerdanek esan du komunikabideen bidez jakin zuela pandemian sinatutako kontratuen ustezko ustelkeria sare horren berri, eta adierazi du argitara atera zenetik ez duela Koldo Garciarekin hitz egin.

Urkullu lehendakariak eta Idoia Mendia bigarren lehendakariorde eta Lan eta Enplegu sailburuak bilera egin dute, Mendiak datozen Europako hauteskundeetarako PSOEren zerrendetan sartzeko erabakia hartu ondoren, egiteke dauden gaiak aztertzeko eta agur esateko.

Pedro Sanchez Espainiako gobernuburuak adierazi duenez, Begoña Gomez emaztea izan zen karguan jarraitu ala ez erabakitzeko bost eguneko hausnarketan dimisioa ez emateko eskatu zion lehena, eta uste du berak eta herritarrek gogoeta hori behar zutela.